KTMT ölkələri iyunda Nazirlər Şurasının iclası keçiriləcək

KTMT Xarici İşlər Nazirləri Şurasının cari ilin iyununda keçirilməsi planlaşdırılan iclasında bir sıra təşkilati məsələlərin nəzərdən keçirilməsi planlaşdırılır.  Bu barədə qurumun mətbuat xidməti məlumat yayıb.

 

KTMT ölkələrinin Xarici İşlər Nazirləri Şurasının təşkili məsələsini təşkilatın baş katibi İmanqali Tasmaqambetov Qazaxıstanın baş nazirinin müavini, xarici işlər naziri Murat Nurtleu ilə müzakirə edib. 

 

Kollektiv Təhlükəsizlik Müqaviləsi Təşkilatının  "Sarsılmaz qardaşlıq” adlı təlimləri artıq bir dəfə  2015-ci ildə Ermənistanda keçirilib. Həmin təlimlərdə  Rusiya Mərkəzi Hərbi Dairəsinin sülhməramlı briqadasının hərbçiləri, o cümlədən Ermənistan, Qazaxıstan, Belarus, Qırğızıstan və Tacikistandan olan 500-ə yaxın hərbçi iştirak edib.

2022-ci ildə KTMT ölkələrinin "Sarsılmaz qardaşlıq” hərbi təlimləri Qırğızıstanda keçirilməli idi, lakin bu ölkənin Müdafiə Nazirliyi səbəbini açıqlamadan təlimləri ləğv edib. 

KTMT 1994-cü ildə qüvvəyə minib. O zaman təşkilat 9 ölkədən ibarət olub. Daha sonra  Azərbaycan, Gürcüstan və Özbəkistan bu təşkilatı tərk edib.
 
Gülnar Nazimqızı