Yanvarda Türkiyəyə turist axını 2% artıb
23.02.2024 20:37
2024-cü ilin yanvarında Türkiyəyə ümumi xarici turist axını 2,24 milyon nəfər təşkil edib ki, bu da ötən ilin eyni dövrü ilə müqayisədə 2% çoxdur. Bu barədə Turizm Güncel Türkiyənin Mədəniyyət və Turizm Nazirliyinin məlumatlarına istinadən xəbər verib.
Statistikaya görə, ən çox turist Türkiyəyə Rusiyadan gəlib. Belə ki, yanvarda Rusiyadan Türkiyəyə 230 min turist gəlib ki, bu da 2023-cü ilin ilk ayı ilə müqayisədə 17,6% azdır.
İkinci yeri İran tutur. 2024-cü ilin yanvarında İrandan Türkiyəyə 211 min turist gəlib. Bu da ötən ilin eyni dövrü ilə müqayisədə 86,6% çoxdur.
Türkiyəyə gedən turistlərin sayına görə, üçüncü yeri Bolqarıstan tutur. Bu ölkədən Türkiyəyə son bir ayda 162 min turist gəlib ki, bu da ötən ilin eyni dövründən 2,8% azdır.
Həmçinin ilk beşlikdə Almaniya və Gürcüstan da yer alıb. Bu ilin yanvarında Almaniyadan Türkiyəyə 142 min, Gürcüstan isə 92 min turist gəlib ki, bu da ötən ilin yanvarından uyğun olaraq 2% və 15,3% azdır.
Nazirlikdən bildirilib ki, bu ilin yanvaında MDB ölkələrindən turist axını 7,5% azalaraq 539 min nəfər təşkil edib.
Azərbaycandan Türkiyəyə gedən turistlərin sayı bu ilin yanvarında isə 85 min nəfər təşkil edib.
N.Təbrizli
www.anews.az
Oxşar xəbərlər
Oxşar xəbərlər
Son xəbərlər 
Daha çox
Foto 
Video 
