Rüşvət alan direktor işindən azad edilib - Video
27.02.2024 13:40
Mingəçevir şəhər 4 saylı tam orta məktəbin direktorunun rüşvət aldığı iddia olunur. Bu barədə görüntülər sosial şəbəkələrdə paylaşılıb.
Videoda məktəb direktoru müəllimdən əlavə dərs saatına görə, pul tələb edib, müəllim isə buna görə, ona 400 manat məbləğində rüşvət verib.
Məsələ ilə bağlı Məktəbəqədər və Ümumi Təhsil üzrə Dövlət Agentliyindən bildirilib ki, direktor Azər Qazıyev işdən azad edilib.
"Mingəçevir şəhər 4 nömrəli tam orta məktəbin direktoru Azər Qazıyevin müəllimlərdən dərs saatlarına görə rüşvət alması barədə yayılan görüntülərlə bağlı araşdırma aparılıb.
Araşdırmanın nəticəsinə əsasən, əmək fəaliyyətində yol verdiyi hüquqpozmaya və kobud nöqsana görə məktəbin direktoru Azər Qazıyev Məktəbəqədər və Ümumi Təhsil üzrə Dövlət Agentliyinin direktoru Eşqi Bağırovun müvafiq əmrinə əsasən, işdən azad edilib.
Agentlik təhsil müəssisələrində əmək fəaliyyətində yol verilən nöqsan, hüquqpozmaların aşkarlanması, qarşısının alınması və aradan qaldırılması ilə bağlı müvafiq tədbirlərin görülməsi məqsədilə monitorinqlərə başlayıb", - məlumatda qeyd olunub.
Aygün Mirakif
www.anews.az
Oxşar xəbərlər
Oxşar xəbərlər
Son xəbərlər 
Daha çox
Foto 
Video 
