Ölkədə pərakəndə ticarət dövriyyəsi artıb

2024-cü ilin yanvar-fevralında Azərbaycanda pərakəndə ticarət şəbəkəsində istehlakçılara 8 milyard 555 milyon manatlıq, o cümlədən 4 milyard 726,4 milyon manatlıq ərzaq məhsulları, içkilər və tütün məmulatları, 3 milyard 828,6 milyon manatlıq qeyri-ərzaq malları satılıb, bu da ötən illə müqayisədə pərakəndə ticarət dövriyyəsi real ifadədə 3,5 %, o cümlədən ərzaq məhsulları, içkilər və tütün məmulatları üzrə 2,1 %, qeyri-ərzaq malları üzrə 5,2 % artıb. Bu barədə Dövlət Statistika Komitəsindən məlumat verilib.

Hesabat dövründə qeyri-dövlət sektorunun təsərrüfat subyektləri tərəfindən satılmış malların dəyəri əvvəlki ilin eyni dövrü ilə müqayisədə real ifadədə 3,6 % artaraq ümumi pərakəndə ticarət dövriyyəsinin 99,8 %-ini təşkil edib. 2023-cü ilin yanvar-fevral ayları ilə müqayisədə Cari ilin yanvar-fevralında pərakəndə ticarət dövriyyəsi real ifadədə müəssisələr üzrə 3,6 %, fərdi sahibkarlar üzrə 3,8 %, bazar və yarmarkalarda 2,7 % artıb.

Hesabat dövründə pərakəndə ticarət şəbəkəsində əhalinin bir nəfəri orta hesabla ayda 420 manatlıq, o cümlədən 232 manatlıq ərzaq məhsulları, içkilər və tütün məmulatları, 188 manatlıq qeyri-ərzaq malları alıb.

 

Azərbaycanda inflyasiya 2024-cü ilin yanvarında 0,5%, 2023-cü ilin dekabrında isə 0,5% təşkil edib. 
 
2024-cü ilin yanvarında inflyasiya 2023-cü ilin yanvarı ilə müqayisədə 1,7% təşkil edib. Bununla yanaşı, 2024-cü ilin yanvarında 2023-cü ilin yanvarına nisbətən ərzaq məhsulları 0,7 faiz, qeyri-ərzaq məhsulları 1,7 faiz, xidmətlər 3,2 faiz bahalaşıb.

2023-cü ildə Azərbaycanda inflyasiya (12 aylıq) 2,1% təşkil edib.
 
Aytac