Əliyev:Azərbaycan-Gürcüstan ticarət dövriyyəsi 1 milyard dollara yaxınlaşa bilər

Gürcüstanda siyasi sabitlik mövcuddur və bunun təminatçısı gürcü xalqı və hökumətin apardığı siyasətdir. Bunu Prezident İlham Əliyev bildirib. 

Dövlət başçısının sözlərinə görə, Azərbaycan və Gürcüstan arasında 2025-ci il üzrə ticarət dövriyyəsi 800 milyon dollardan çox olub. Bu ilin ilk rübündə artım davam edir və ilin sonuna qədər ticarət dövriyyəsinin təxminən 1 milyard dollara çatacağı gözlənilir.

Prezident həmçinin Gürcüstanda mövcud olan müsbət investisiya iqliminin Azərbaycan sərmayədarlarını həvəsləndirdiyini vurğulayıb.

 "Bu günədək Azərbaycan tərəfindən Gürcüstan iqtisadiyyatına 3,7 milyard dollar sərmayə yatırılıb", - Əliyev deyib. 

O əlavə edib ki, hər iki ölkə yeni investisiya layihələri üzrə fikir mübadiləsi aparıb və gələcəkdə üçüncü ölkələrə birgə sərmayə qoyuluşu da nəzərdən keçirilə bilər.

Gülnar Nazimqızı