Bakıda dövlətə xəyanətdə ittiham olunanların məhkəməsi başlayır

2023-cü ilin mayında Azərbaycanın Dövlət Təhlükəsizliyi Xidmətinin əməkdaşları tərəfindən dövlətə xəyanətdə və Azərbaycanda terror və təxribat xarakterli aksiyalar planlaşdırmaqda şübhəli bilinən 1980-ci il təvəllüdlü Rəşad Əhməd oğlu Əhmədov saxlanılaraq cinayət məsuliyyətinə cəlb olunduğu məlum olub. Əhmədov üçüncü ölkədə yaşayıb və Ermənistan xüsusi xidmət orqanlarının tapşırıqlarını yerinə yetirib. 

 

Əhmədov 1991-ci il təvəllüdlü Rövşən Əmirov və ona tapşırılmış göstəriş əsasında cəlb etdiyi digər şəxslərlə əlbir olaraq Azərbaycanda etnik və dini zəmində nifrətin qızışdırılmasına, dağıdılmasına açıq çağırışlardan ibarət videomateriallar hazırlayıblar. Bu videoçarxlar Ermənistanın xüsusi xidmət orqanları tərəfindən hazırlanıb və onların nəzarəti altında "Youtube” kanallarında və digər sosial şəbəkələrdə Azərbaycan dilində yayılıb.

Ermənistan xüsusi xidmət orqanlarının nəzarəti altında olan Rəşad Əhmədov etnik separatizm məqsədilə Azərbaycan Respublikası ərazilərinin fraqmentləşdirilmiş təsvirləri olan 200 saxta xəritənin Azərbaycan vətəndaşları arasında yayılmasını təşkil edib. 

Bundan başqa, Əhmədov Azərbaycan vətəndaşlarının etnik və dini zəmində iddia edilən iğtişaşlar törətmək niyyətini nümayiş etdirmək məqsədilə Azərbaycan ərazisində partlayışlar, yanğınlar və digər ictimai təhlükəli nəticələrlə müşayiət olunan aksiyalar planlaşdırıb.

Əhmədovun barəsində həbs qətimkan tədbiri seçilib. O, Azərbaycan Cinayət Məcəlləsinin 274-cü (dövlətə xəyanət), 28, 214.1-ci (terrorçuluğa hazırlıq) və 281.3-cü (xarici təşkilatlar və onların nümayəndələri adından dövlət əleyhinə fəaliyyətə açıq çağırışlar) ilə cinayət məsuliyyətinə cəlb edilib.

 

Rövşən Əmirov - Azərbaycan Cinayət Məcəlləsinin 274-cü (dövlətə xəyanət) və 281.3-cü (xarici təşkilatlar və onların nümayəndələri adından dövlət əleyhinə fəaliyyətə açıq çağırışlar) ilə ittiham olunur.