Azərbaycan kənd təsərrüfatı məhsullarının ixracını 16,9% artırıb
03.04.2024 15:39
2024-cü ilin yanvar-fevralında Azərbaycandan kənd təsərrüfatı və aqrar-sənaye məhsullarının ixracı 145,9 milyon dollar təşkil edib ki, bu da 2023-cü ilin eyni dövrü ilə müqayisədə 16,9% çoxdur. Bu barədə İqtisadi İslahatların Təhlili və Kommunikasiya Mərkəzi məlumat verib.
Ümumi həcmdən 109,3 milyon dollar (+26,2%) kənd təsərrüfatı məhsullarının, 36,6 milyon dolları isə aqrar sənaye məhsullarının (-4,2%) ixracının payına düşüb.
2023-cü ildə Azərbaycandan kənd təsərrüfatı və aqrar-sənaye məhsullarının ixracı 969,2 milyon dollar təşkil edib ki, bu da 2022-ci illə müqayisədə 6,2% çoxdur.
Ümumi həcmdən 768,2 milyon dollar (+7,1%) kənd təsərrüfatı məhsullarının, 201 milyon dolları (+3,2%) aqrar sənaye məhsulları ixracının payına düşüb.
N.Təbrizli
www.anews.az
Son xəbərlər 
Daha çox
Foto 
Video 
