Minaların olması məcburi köçkünlərin qaytarılması üçün problem yaradır - Hacıyev
04.04.2024 10:40
Ermənistan tərəfindən Qarabağda basdırılan minalar hazırda orada yenidənqurma işlərinə və məcburi köçkünlərin geri qaytarılmasına mane olur. Bunu Prezidentinin köməkçisi - Prezident Administrasiyasının xarici siyasət məsələləri şöbəsinin müdiri Hikmət Hacıyev deyib.
Ermənistanın 30 ildir davam edən hərbi işğalı nəticəsində Azərbaycanın azad edilmiş əraziləri Ermənistan tərəfindən minalarla ciddi şəkildə çirkləndirilib. Minalar, müharibənin partlayıcı qalıqları və əldəqayırma partlayıcı qurğular mülki vətəndaşlarımızın ölümünə və yaralanmasına səbəb olmaqda davam edir, yenidənqurma işlərinə və məcburi köçkünlərin geri qayıtmasına mane olur. Qurbanlar arasında mülki şəxslər, o cümlədən uşaqlar da var", - Hacıyev beynəlxalq minalarla mübarizə günündə "X" (tvitter) hesabında yazıb.
Qarabağda minalardan təmizlənən ərazilərə əhalinin köçürülməsi davam edir. 2026-ci ilə qədər işğaldan azad olunmuş ərazilərə 16 min şəxsin köçürülməsi nəzərdə tutulub. Bu il 5 rayona əhalinin körülməsi də nəzərdə tutulub.
Hesablamaya görə Qarabağda minaların təmizlənməsi üçün Azərbaycana 25 milyard dollara yaxın vəsait lazımdır. Beynəlxalq təşkilatlardan minaların təmizlənməsinə yalnız 4% dəstək göstərilib. Azərbaycan 95% prosesi öz maliyyə hesabına edir.
2023-cü ilin martın 17-də baş nazir Əli Əsədov Milli Məclisdə hökumətin hesabatında çıxışında bildirib ki, hazırda Qarabağda minaların təmizlənməsinə 4 özəl şirkət də cəlb olunub. Bundan əlavə, ANAMA ilə birgə Müdafiə Nazirliyi, Fövqəladə Hallar Nazirliyi, Dövlət Sərhəd Xidməti də ərazilərin təmizlənməsində iştirak edir.
Azərbaycan hazırda minaların yerləşdirilməsinə görə dünyada ilk 10-luqda yer alan ölkələrdəndir.
Gülnar Nazimqızı
www.anews.az
Son xəbərlər 
Daha çox
Foto 
Video 
