Nazim Bəydəmirlinin vəsatəti təmin olunmayıb

Sabiq deputat, iş adamı Nazir Bəydəmirlinin həbs qətimkan tədbirinin ev dustaqlığı ilə əvəz edilməsi ilə bağlı verdiyi vəsatət təmin edilməyib.  Bu barədə onun vəkili Aqil Layic açıqlamasinda bildirib.

Məhkəmədə prokuror vəkilinin verdiyi   vəsatətlərin təmin edilməməsini, cinayət işinin məhkəmə baxışına verilməsini istəyib. 

 

"İş materiallarında iddia olunan cinayət əməlinin 30 il əvvəl verilib.  Cinayət təqibinə xitam verilməlidir'- vəkil vurğulayıb.

Nazim Bəydəmirli isə özünün siyasi məhbus hesab etmədiyini bildirib.

"Mən siyasi məhbus deyiləm. Çünki siyasi fəaliyyətim yoxdur. Mənim adımdan istifadə olunmasını istəmirəm. Mən dövlətimə, vətənimə sadiq adamam”,- o əlavə edib.

Bəydəmirli 2023-cü ilin iyulunda həbs olunub.

Fevralda Nazim Bəydəmirli barəsində elan edilən cinayət işinə xitam verilməsi üçün prezidentdən  xahiş edib.  Nazim Bəydəmirli iyulun 4-də Daxili İşlər Nazirliyinin Baş Mütəşəkkil Cinayətkarlıqla Mübarizə İdarəsi tərəfindən saxlanılıb. O hədə-qorxu ilə xeyli miqdarda əmlak tələb etmədə ittiham olunur.İyulun 5-də Nərimanov Rayon Məhkəməsi istintaq orqanının təqdimatına baxaraq Nazim Bəydəmirli barəsində 4 aylıq həbs qətimkan tədbiri seçib. Bu müddət daha 3 ay artırılıb.  Nazim Bəydəmirli və müdafiəçiləri həbsi Gədəbəyin Söyüdlü kəndində baş vermiş olaylarla bağlayır.Ona qarşı Cinayət Məcəlləsinin 182.2.4 (xeyli miqdarda əmlak tələb etmək məqsədilə hədə-qorxu ilə tələb etmə- xeyli miqdarda əmlak əldə etmək məqsədi ilə törədildikdə) maddəsilə ittiham irəli sürülüb.Cinayət işinin materiallarında iddia olunur ki, o, pay sahibi olduğu şirkətdə şərikini görüntülərlə şantaj edərək, ondan 50 min manat pul tələb edib.