BP indiyədək Azərbaycana $85 milyard investisiya qoyub

 

Onun sözlərinə görə, 1994-cü ildən bəri  "Azəri-Çıraq-Günəşli” yataqlar blokundan 4,3 milyard bareldən çox neft hasil edilib.

 

 

 

Bu gün BP Bakı Mühəndislik Universitetində ölkə üçün informasiya-kommunikasiya texnologiyaları (İKT) və kibertəhlükəsizlik sahəsində yüksək ixtisaslı mütəxəssislərin hazırlanmasına dəstək məqsədilə yeni laboratoriya açıb.

Laboratoriya  30 ədəd müasir və innovativ İKT avadanlığı və proqram təminatı ilə təchiz olunub.

Hər il laboratoriyadan 1000-ə yaxın müəllim və tələbə istifadə edə biləcək.

 

Bəxtiyar Aslanbəyli bildirib ki, Mühəndislik Universiteti üçün İKT və kibertəhlükəsizlik bacarıqları və ümumilikdə digər mühəndislik qabiliyyətləri üzrə təlim və tədrisin keyfiyyətini yaxşılaşdırmağa kömək edəcək.

 

"İKT-nin gündəlik həyatımızda nə dərəcədə əhəmiyyətli olduğunu söyləməyə gərək yoxdur. Buna görə də kibertəhlükəsizlik, məlumat analitikası, şəbəkələrin idarə edilməsi, proqram təminatının işlənib hazırlanması və digər əlaqəli sahələri əhatə edən bacarıqların inkişaf etdirilməsi geniş karyera imkanlarına qapı aça bilər. Daha geniş mənada isə İKT çox böyük iqtisadi əhəmiyyət daşıyır, çünki o, elektron ticarət, elektron idarəetmə, bankçılıq və nəqliyyatdan tutmuş kənd təsərrüfatı, təhsil və tibbə qədər demək olar ki, hər sahədə istifadə olunur. Gündəlik həyatımızı İKT xidmətləri və tətbiqləri olmadan təsəvvür etmək mümkün deyil. Ölkənin İKT imkanları və mütəxəssis bacarıqları nə qədər güclü olarsa, onun informasiya sistemləri bir o qədər təhlükəsiz olar. Ümid edirik ki, layihəmiz ölkənin onlayn təhlükəsizliyini təmin etmək üçün lazımi bacarıqların inkişaf etdirilməsi səylərinə töhfə verəcək”, -  Aslanbəyli bildirib. 

Layihənin icrasına  2023-cü ilin mayında başlanılıb. 

Layihənin ümumi dəyəri təqribən 403 000 manat və ya 237 000 ABŞ dollarıdır.