Dörd ayda pərakəndə ticarət dövriyyəsi 3,3% artıb
15.05.2024 12:28
2024-cü ilin yanvar-aprelində pərakəndə ticarət dövriyyəsi 16 969,9 milyon manat olub ki, bu da ötən ilin eyni dövrü ilə müqayisədə 3.3% çoxdur. Bu barədə Dövlət Statistika Komitəsinin hesabatında qeyd olunub.
Hesabat ayı ərzində pərakəndə ticarət şəbəkəsində istehlakçılara 17,0
milyard manatlıq, o cümlədən 9,6 milyard manatlıq (1.9% artım) ərzaq məhsulları, içkilər və tütün
məmulatları, 7,4 milyard manatlıq (5.1% artım) qeyri-ərzaq malları satılıb.
4 ayda alıcıların pərakəndə ticarət şəbəkəsində aldıqları mallara xərclədiyi
vəsaitin 51,2 %-i ərzaq məhsullarının, 5,2%-i içkilər və tütün məmulatlarının, 13,4 %-i toxuculuq məhsulları, geyim və ayaqqabıların, 5,8 %-i avtomobil benzini və dizel yanacağının,
4,4 %-i elektrik malları və mebellərin, 2,4 %-i əczaçılıq məhsulları və tibbi ləvazimatların, 1,3%-i kompüterlər, telekommunikasiya avadanlıqları və çap məhsullarının, 16,3 %-i isə digər
qeyri-ərzaq mallarının alınmasına sərf olunub.
Hesabat dövründə qeyri-dövlət sektorunun təsərrüfat subyektləri tərəfindən satılmış
malların dəyəri ümumi pərakəndə ticarət dövriyyəsinin 99,7 faizini təşkil edib ki, bu da ötən ilin eyni dövrü ilə müqayisədə 3.3% çoxdur.
Cari ilin 4 ayında pərakəndə ticarət dövriyyəsi real ifadədə müəssisələr üzrə 10,2 %,, fərdi sahibkarlar üzrə 0,1%, bazar və yarmarkalarda 1,5 % artıb. Həmçinin pərakəndə ticarət şəbəkəsində əhalinin bir nəfəri orta hesabla ayda
416,5 manatlıq, o cümlədən 235,0 manatlıq ərzaq məhsulları, içkilər və tütün məmulatları,
181,5 manatlıq qeyri-ərzaq malları alıb.
Aygün
www.anews.az
Oxşar xəbərlər
Oxşar xəbərlər
Foto 
Video 
