Ötən il 512 nəfərin əmək müqaviləsi olmadan işləməsi aşkarlanıb
17.05.2024 11:56
2023-cü ildə Dövlət Əmək Müfəttişliyi Xidmətinə daxil olan vətəndaş müraciətləri əsasında 512 nəfərin əmək müqaviləsi olmadan işləməsi faktı aşkarlanıb, bu da əvvəlki ill müqayisədə 143 nəfər çoxdur. Bu barədə İnsan alverinə qarşı mübarizə üzrə Milli Koordinatorun illik məlumatında qeyd olunub.
Hesabat dövründə şəxsin əmək müqaviləsi olmadığına 2 milyon 374 min 400 manat cərimə edilib bu da 2022-ci illə müqayisədə 591 min 900 manat çoxdur.
Həmçinin bildirilib ki, 1 fakt üzrə işçini əmək funksiyasına aid olmayan işi(xiddməti) yerinə yetirməyə məcbur etməyə görə aidiyyəti vəzifəli şəxs inzibati məsuliyyətə (cərimə) cəlb olunub.
15 yaşına çatmamış şəxsi işə cəlb etməklə 2 fakt müəyyən edilərək təqsirkar şəxslər inzibati qaydada cərimələnib.
Ötən il Azərbaycanda haqqı ödənilən əmək fəaliyyəti həyata keçirməsi üçün 5 441 əcnəbiyə iş icazəsi verilib, 4773 əcnəbinin müvafiq icazə müddəti uzadılıb.
Həmçinin DİN-in İnsan Alverinə Qarşı Mübarizə Baş İdarəsi əməkdaşları tərəfində 3 məcburi əmək faktı əsasında 2 cinayət işi başlanılıb, həmin cinayətlərdən zərər çəkmiş şəxslərin ölkə daxilində kənd təsərrüfatı sektorunda istismara məruz qalması müəyyən edilib.
İnsan alveri məcburi əmək qurbanlarını aşkarlanması üzrə keçirilmiş tədbirlər zamanı 8 miqrasiya kanalı müəyyən olunaraq 154 şəxs saxlanılıb və Azərbaycandan çıxarılıb.
www.anews.az
Oxşar xəbərlər
Oxşar xəbərlər
Son xəbərlər 
Daha çox
Foto 
Video 
