Büdcədə neftin qiyməti 1 barrel üçün $75-a kimi artırılıb
27.05.2024 12:07
Dünya bazarında Azəri Light markalı neftin qiymətinin baha olması səbəbindən Maliyyə Nazirliyi Azərbaycan Dövlət Büdcəsinin parametrlərinə dəyişiklik edərək neftin büdcədə nəzərdə tutulan qiymətini 1 barrel üçün əvvəlki 60 dollardan 75 dollara kimi artırıb. Bu barədə Azərbaycan Respublikasının maliyyə naziri Samir Şərifov bildirib.
"Azərbaycan Respublikasının İqtisadiyyat Nazirliyinin makroiqtisadi proqnozunun baza ssenarisinə dəyişikliklər edilib, neftin bir barrelinin orta illik ixrac qiyməti 60,0 ABŞ dollarından 75,0 ABŞ dollarına (ilin ötən dövrü üzrə faktiki satış qiymətləri və ilin qalan dövrü üzrə 70,0 ABŞ dolları fərz edilməklə, öncəki proqnoza nəzərən 15,0 ABŞ dolları çox) yüksəldib", - Şərifov bildirib.
Onun sözlərinə görə, 2024-cü ilin yanvar-aprelində "Azeri Light” markalı xam neftin bir
barelinin orta ixrac qiyməti 87,3 ABŞ dollarına bərabər olub ki, bu da
2024-cü ilin təsdiq edilən büdcə parametrlərinin hesablanması zamanı
götürülən qiymətdən 27,3 ABŞ dolları çoxdur.
2024-cü ilin yanvar-aprelində qeyd olunan göstəricilər dövlət büdcəsinin gəlirlərinin artımını şərtləndiib. Belə ki, 2024-cü ilin ilk dörd ayında dövlət büdcəsinin gəlirləri 12144,3 milyon manat proqnoza qarşı 13259,4 milyon manat və ya 9,2% çox olub.
2024-cü ilin yanvar-aprelində dövlət büdcəsinin gəlirlərinin 6867,4 milyon manatı qeyri-neft
sektorunun payına düşüb ki, bu da əvvəlki ilin eyni dövrü ilə müqayisədə
434,4 milyon manat və ya 6,8% çoxdur.
Dövr ərzində dövlət büdcəsinin gəlirlərinin
tərkibində qeyri-neft sektoru üzrə daxilolmaların xüsusi çəkisi 51,8% təşkil
edib.
"Dünya neft və qaz bazarlarında mövcud olan münbit qiymət konyunkturası, cari il üzrə müşahidə olunan tendensiyalar, vergi-gömrük daxilolmalarının artması, habelə icmal və dövlət büdcələrinin yenidən baxılma ilə əlavə xərclərinin, öz növbəsində əlavə gəlirlərin formalaşmasına təsir göstərəcəyini nəzərə alınmaqla 2024-cü ilin aprel ayında cari il üzrə makroiqtisadi proqnozlar yenilənib", - nazir bildirib.
N.Təbrizli
"
www.anews.az
Oxşar xəbərlər
Oxşar xəbərlər
Foto 
Video 
