2024-cü ilin dövlət büdcəsinin gəlirləri üzrə proqnoz 6,4% artırılıb
27.05.2024 12:20
2024-cü il dövlət büdcəsində gəlirlər 36353,0 milyon manat
proqnozlaşdırılır ki, bu da təsdiq olunmuş göstəriciyə nisbətən 2180,0 milyon
manat və ya 6,4% çoxdur. Bu barədə Azərbaycan Respublikasının maliyyə naziri Samir Şərifov məlumat verib.
Onun sözlərinə görə, dövlət büdcəsinin gəlirlərinin 48,9% və ya 17769,0 milyon manatı neft
sektorunun, 51,1% və ya 18584,0 milyon manatı qeyri-neft sektorunun payına
düşür.
2024-cü ilin təsdiq olunmuş göstəriciləri ilə müqayisədə neft sektoru
üzrə gəlirlər 605,0 milyon manat və ya 3,5% artırılır ki, bu 2023-cü ilin
icra göstəricisinə nisbətən 387,4 milyon manat və ya 2,1% azdır.
Nazirin sözlərinə görə, neft sektorunda azalma neft ehtiyatlarının təbii azalması və hasilatın aşağı düşməsi ilə bağlıdır.
Şərifov həmçinin bildirib ki, qeyri-neft
sektoru üzrə təsdiq olunmuş göstəriciləri ilə müqayisədə bu sektordan gələn gəlirlərin proqnozu 1575,0 milyon
manat və ya 9,3% artırılıb ki, bu 2023-cü ilin icra göstəricisinə nisbətən
1504,0 milyon manat və ya 8,8% çoxdur.
Bütövlükdə dövlət büdcəsi gəlirlərinin tərkibində qeyri-neft gəlirlərinin
xüsusi çəkisi təsdiq olunan göstərici ilə müqayisədə 1,3% artaraq 51,1% təşkil edəcək.
2024-cü il dövlət büdcəsində xərclər 39707,3 milyon
manat məbləğində proqnozlaşdırılır ki,
bu da təsdiq olunan göstəriciyə nisbətən 2944,3 milyon manat və ya 8%,
2023-cü ilin faktiki icra göstəricisi ilə müqayisədə isə 3249,4 milyon
manat və ya 8,9 faiz çoxdur.
2024-cü il dövlət büdcəsi xərclərinin 58% cari xərclərərin, 38,7% - əsaslı xərclərin, 3,3%-i - dövlət borcuna xidmətlə bağlı xərclərə və s aiddir.
N.Təbrizli
www.anews.az
Oxşar xəbərlər
Oxşar xəbərlər
Foto 
Video 
