• $ 1.7
  • € 1.9849
  • ₽ 0.02178
  • ₺ 0.0423
  • £ 2.2834

Surroqat ana uşaq dünyaya gətirsin? - SORĞU

Surroqat ana uşaq dünyaya gətirsin? - SORĞU
15.02.2014 10:09
Respondentlərin 35 faizi surroqat analığa birmənalı olaraq “yox” deyir, 35 faiz isə bunu bəzi şərtlərlə mümkün sayıb.Məlum olduğu kimi, bir neçə illik müzakirələrdən sonra Milli Məclis Azərbaycanda surroqat analığa qadağa qoyub. Millət vəkilləri hesab edirlər ki, bu prosedur bizim mentalitetə və dini-mənəvi dəyərlərimizə ziddir, hələlik cəmiyyət uşaqların bu yolla dünyaya gəlməsinə hazır deyil. Bəs, Bakı sakinləri bu barədə nə düşünür, onlar surroqat analıq mövzusuna necə yanaşırlar? «Rəy» Monitorinq Mərkəzinin 25-30 yanvar 2014-cü ildə keçirdiyi «omnibus» tipli ictimai rəy sorğusu zamanı paytaxt sakinlərinə iki sualla müraciət olunub: «Surroqat anaların xidmətindən istifadə yol veriləndirmi?» və «Bu prosedur insan təbiəti və mənəviyyatına zidd deyil ki?» Məlum olub ki, ictimai şüur surroqat analığı tam rədd etmir. Baxışlar təxminən yarıbayarı bölünür.  Sorğu iştirakçılarının yalnız üçdə biri (35,4%) surroqat analığa birmənalı olaraq «yox» deyir, bir o qədəri də (35,2%) bunu bəzi şərtlərlə mümkün sayır: onlardan 14%-i bu prosedurun təkcə dindarlar üçün yolverilməz olduğunu deyir, 20,9%-i isə bunu yalnız müstəsna hallarda mümkün sayır. Bu zaman hər 10 nəfərdən birinin surroqat analığa heç bir etirazı yoxdur, 6 nəfərdən biri isə sualı cavablandırmaqda çətinlik çəkib.Gözlənildiyi kimi, dindarlar və yaşı 50-ni ötmüş insanların çoxu bu yolla dünyaya övlad gətirilməsinə mənfi yanaşırlar: dindarların 67%-i, yaşlı insanların isə 62%-i bunun əleyhinə çıxıblar. Maraqlı bir məqam: surroqat analığa nisbətən müsbət yanaşanlar əsasən bir neçə (üçdən çox) uşaq dünyaya gətirmək istəyən qadınlardır. Ümumi yanaşmaya gəldikdə isə, heç də bütün cəmiyyət surroqat analığı anormal bir hal kimi qəbul etmir. İlk dəfə 1980-ci ildə sınaqdan çıxarılmış surroqat analıq üsuluna Azərbaycanda hələ nadir hallardan rast gəlinir və bu da başa düşüləndir. Axı, insanlar bu üsula ən son zərurət kimi, bütün imkanlardan istifadə etdikdən sonra müraciət edirlər. Və bu bahalı prosedurun həyata keçirilməsinə heç də ehtiyacı olan hər kəsin imkanı çatmır. Onu da unutmaq olmaz ki, Azərbaycanda hələ də insanlar yanlış olaraq doğum səviyyəsinin qaydasında olduğunu düşünür. Bu səbəbdən, dünyaya övlad gətirməyin bu yolunun real və geniş yayılmış bir üsul kimi qiymətləndiriləcəyinə ümid etmək çətindir. İctimaiyyətin gözündə bu daha çox ekzotik və abstract bir haldır. Buna baxmayaraq, bizim cəmiyyətin surroqat analığı ümumiyyətlə, qəbul etmədiyini demək də doğru olmazdı. Hətta çətin ki, qanunvericilikdəki qadağa surroqat analığı dünyaya övlad gətirmək üçün yeganə şans sayan və buna yetərincə maliyyə imkanı olan insanların qarşısını alsın. SeymurANN.Az
Oxşar xəbərlər
Oxşar xəbərlər
Laçında yanğın olan ərazidə partlayış baş verib - Yenilənib
Cəmiyyət 00:03
Laçında yanğın olan ərazidə partlayış baş verib - Yenilənib
Azərbaycanlı idmançı Rusiya vətəndaşlığından məhrum edilib
Cəmiyyət 23:10
Azərbaycanlı idmançı Rusiya vətəndaşlığından məhrum edilib
İlqar İsmayılov azadlığa buraxılıb
Cəmiyyət 21:00
İlqar İsmayılov azadlığa buraxılıb
Şahin Şıxlinskinin oğlu həbs olunub
Cəmiyyət 20:33
Şahin Şıxlinskinin oğlu həbs olunub
Sabah Yevlax rayonunun bir hissəsində qaz olmayacaq
Cəmiyyət 18:22
Sabah Yevlax rayonunun bir hissəsində qaz olmayacaq
Ağdaşda 17 yaşlı gənc kanalda batıb
Cəmiyyət 18:11
Ağdaşda 17 yaşlı gənc kanalda batıb
Daha 665 işsiz şəxs peşə hazırlığına cəlb edilib
Cəmiyyət 17:44
Daha 665 işsiz şəxs peşə hazırlığına cəlb edilib
Bakıda kişi arvadını güllələməyə cəhd edib, qadın xəstəxanaya yerləşdirilib
Cəmiyyət 16:57
Bakıda kişi arvadını güllələməyə cəhd edib, qadın xəstəxanaya yerləşdirilib
Azercell-in dəstəyi ilə fəaliyyət göstərən “Azərbaycan Uşaq Qaynar Xətti” 2025-ci ilin ilk yarısında 2173 müraciət qeydə alıb
Cəmiyyət 16:24
Azercell-in dəstəyi ilə fəaliyyət göstərən “Azərbaycan Uşaq Qaynar Xətti” 2025-ci ilin ilk yarısında 2173 müraciət qeydə alıb
Anews TV

Rəsmi Youtube kanalımız

Abunə ol