SOCAR kapital faiz ödənişi həyata keçirib
01.08.2024 14:46
Azərbaycan Dövlət Neft Şirkəti (SOCAR) 2021-ci ilin noyabrında dövriyyəyə buraxdığı 100 milyon ABŞ dolları dəyərində yeni isitqrazlara görə, sayca 11-ci faiz ödənişi həyata keçirib. Bu barədə "SOCAR Capital" MMC məlumat verib.
Nomnal dəyəri 1 000 dolları olan 100 min ədəd istiqraz 5 il müddətinə dövriyyəyə buraxılıb. Onların illik gəlirliliyi 4,5 %-dir.
İstiqrazlar üzrə faizlər rüblük ödənilir və hər dəfə istiqraz sahibləri 1,125 milyon ABŞ dolları faiz alır. Bu gün növbəti faizlər istiqraz sahiblərinin hesablarına köçürülüb, investorların ümumi qazancı 12,375 milyon dollar təşkil edib.
İndiyə qədər SOCAR-ın yeni istiqrazları ilə ümumi dəyəri 47 milyon ABŞ dollarından çox olan təxminən 800 təkrar bazar əməliyyatı aparılıb.
Hazırda istiqrazlar "Bakı Fond Birjası" QSC-də ən çox satılan korporativ qiymətli kağızlardır.
İstiqrazları 1 və 5 saylı "ASAN xidmət” mərkəzlərindəki xüsusi köşklərdən və Azərbaycandakı investisiya şirkətlərindən əldə etmək olar.
N.Təbrizli
www.anews.az
Foto 
Video 
