Bar qızları obrazı rəssam Gülnarə Xalıqovanın düşüncəsində - FOTOLAR

Rüstəm Qasımovİstedadlı rəssam-illüstrator Gülnarə Xalıqovanın Natavan qalereyasında "Marionetka" adlı birinci şəxsi sərgisi keçirilib.Tədbirin açılışına KİV nümayəndələri də daxil olmaqla çoxlu qonaqlar gəlmişdi. Rəssamın seçdiyi mövzu qeyri-adilik baxımından öz-özlüyündə maraq doğurur. Gülnarə Xalıqova öz əl işlərinin köməyi ilə vaxtının çox hissəsini paytaxt barlarında, disko klublarda və müxtəlif şənliklərdə keçirən, yəni, şəhərin gecə həyatında fəal iştirak edən qızların gecə həyatını şəhər auditoriyası ilə tanış etməyə çalışıb."Marionetkalar" sərgisinin adı ona işarə edir ki, bəzən paytaxtın gecə klublarında dolaşan müstəqil qızlar kiminsə əllərində heç özləri də bilmədən oyuncağa çevrilirlər və onların talelərini güclü cinsin nümayəndələri idarə etməyə başlayırlar.Rənglərin dolğunluğuyla və ifadəliliyi ilə fərqlənən şəkillərdə yarıçılpaq qızlar görmək olar, onlar kokteyllər içirlər, qəlyan çəkirlər və sadəcə qayğısızcasına dincəlirlər. Əl işlərində bəzi yerli şou-biznes nümayəndələrini xatırladan xanımlar və gözəl cinsin nümayəndələrinin toplu obrazları təsvir edilib. Rəssamın şəkillərində yüngüllük, qayğısızlıq və onun qəhrəmanlarının ilk baxışda əyləncəli həyat tərzi əksini tapıb.Gülnarə Xalıqovanı haqlı olaraq böyük stajlı rəssam-illüstrator adlandırmaq olar, çünki o, öz əmək fəaliyyəti boyunca müxtəlif nəşrlərlə əməkdaşlıq edib. 1992-ci ildən Xalıqova təhsiliylə paralel olaraq "Azərbaycan Qadını" nəşrinin əlavəsi olan "Bal-bala" jurnalıyla, həmçinin "Güzgü" nəşriyyatının uşaq ensklopediyası ilə əməkdaşlıq edib. Bundan başqa, Xalıqova "ART&DISIGN", "Teztur" və "Kosmopolit" kimi Moskva nəşrləriylə əməkdaşlıq edib, onlar üçün açıqcalar və illüstrasiyalar hazırlayıb.Hazırda Xalıqova "Oyuncaq" və  "Banu" jurnallarında baş rəssam işləyir.ANN.Az paytaxtda keçirilən mədəni tədbirləri diqqətsiz qoymur, ona görə də sizə rəssam-illüstrator Gülnarə Xalıqovanın əl işlərinin fotosessiyasını təqdim edir.ANN.Az