Seçici fəallığı nə qədər olub? - REPORTAJ
01.09.2024 17:23
Maştağa qəsəbəsində 28 saylı seçki məntəqəsində seçici aktivliyi
müşahidə olunmayıb. Bu barədə Anews.az müxbiri öz müşahidələrinə əsaslanaraq məlumat verib.
Həmin ərazidə səs verən Lütfiyyə Cəfərova deputatlığa namizəd
Taleh Qurbanova səs verdiyini onun təhsil sahəsində işlər görəcəyini vəd
etdiyini və onun fəaliyyətini dəstəklədiyini deyib.
Maştağa qəsəbəsi
34 saylı seçki məntəqədə də seçici fəallığı az olub.
Sədr Elvira Mustafayeva seçicilərin aktivliyinin
normal olduğunu, həmin saatadək 70 ə
yaxın seçicinin səsvermədə iştirak etdiyini bildirib. Həmin ərazidə seçicilərin
fikrini öyrənmək üçün bir neçə seçici ilə sorğu keçirdik. Seçicilərin əksəriyyəti
deputatlığa namizəd Eldar Quliyevi dəstəklədiklərini, ona səs verdiklərini qeyd
ediblər.
Seçicilər həmçinin qeyd edib ki, deputatlığa namizəd
Eldar Quliyevdən başqa seçicilərlə görüş keçirən olmayıb.
İnşaatçılar prospekti 45 ünvanda yerləşən 38-ci
seçki məntəqəsində isə insanların fəallığı daha çox idi.
23 saylı Nəsimi
Səbayel seçki dairəsinin 2 və 3 saylı məntəqələrində
isə seçki qutusu yarıya qədər dolu olsa da məntəqədə seçici yox idi.
Amma 2 saylı məntəqənin
komissiya sədri Sevinc Budaqova seçici aktivliyinin normal olduğunu,məntəqə üzrə
1434 seçicinin olduğunu və onlara 1368 bülleten verildiyini bildirib.
Mərkəzi Seçki Komissiyasının saat 15.00-a olan məlumata görə, seçici fəallığl 30% olub. Ölkə üzrə cəmi seçicilərin sayı 6,4 milyon nəfərdir.
Aysun Qurbanzadə
www.anews.az
Foto 
Video 
