KTMT təlimləri Qırğızıstanda davam edəcək

"Sentyabrın 3-dən 6-dək KTMT-nin "Qarşılıqlı fəaliyyət-2024” Kollektiv Çevik Reaksiya Qüvvələri (CRRF) ilə komanda qərargah təlimi, "Axtarış-2024” və "Eşelon-2024” xüsusi təlimlərinin iştirakçıları yenidən qruplaşırlar. Qırğızıstan Respublikasının qoşun kontingentləri (Kollektiv qüvvələr) plana uyğun olaraq Belarus Respublikası, Qazaxıstan Respublikası, Rusiya Federasiyası və Tacikistan Respublikasından təlimlərin keçirildiyi ərazilərə göndərilir”, - deyə o qeyd edib.

KTMT-nin Birgə Qərargahının mətbuat xidmətinin məlumatına görə, Qırğızıstan ərazisində KTMT Kollektiv Qüvvələrinin müxtəlif komponentlərinin hazırlığını birləşdirən təlimlər keçirilir.

 

Avqustun 14-də Novosibirsk vilayətində Rusiya Qvardiyasının rəhbərliyi ilə Kollektiv Təhlükəsizlik Müqaviləsi Təşkilatının (KTMT) "Kobalt-2024" xüsusi hərbi təliminin açılış mərasimi başlayıb.
 
Təlimlərdə Rusiya Federasiyası, Belarus, Qazaxıstan, Tacikistan və Qırğızıstanın maraqlı nazirlik və idarələrinin nümayəndələri iştirak edirlər.
 
Bundan əvvəl Ermənistanın hərbi təlimlərdə iştirak etməyəcəyi bildirilib. 

 
Kollektiv Təhlükəsizlik Müqaviləsi Təşkilatının  "Sarsılmaz qardaşlıq” adlı təlimləri artıq bir dəfə  2015-ci ildə Ermənistanda keçirilib. Həmin təlimlərdə  Rusiya Mərkəzi Hərbi Dairəsinin sülhməramlı briqadasının hərbçiləri, o cümlədən Ermənistan, Qazaxıstan, Belarus, Qırğızıstan və Tacikistandan olan 500-ə yaxın hərbçi iştirak edib.

2022-ci ildə KTMT ölkələrinin "Sarsılmaz qardaşlıq” hərbi təlimləri Qırğızıstanda keçirilməli idi, lakin bu ölkənin Müdafiə Nazirliyi səbəbini açıqlamadan təlimləri ləğv edib. 

KTMT 1994-cü ildə qüvvəyə minib. O zaman təşkilat 9 ölkədən ibarət olub. Daha sonra  Azərbaycan, Gürcüstan və Özbəkistan bu təşkilatı tərk edib.
 
Gülnar Nazimqızı