Əliyev Türkiyənin daxili işlər nazirini qəbul edib

Azərbaycan Prezidenti İlham Əliyev cümə axşamı Türkiyənin daxili işlər naziri Mustafa Çiftçini qəbul edib.

Görüşdə Mustafa Çiftçi Türkiyə Prezidenti Rəcəb Tayyib Ərdoğanın salamlarını dövlət başçısına çatdırıb. Prezident İlham Əliyev salamlara görə təşəkkür edərək, onun da salamlarını Ərdoğana çatdırmağı xahiş edib.

Tərəflər Azərbaycan və Türkiyə arasında münasibətlərin qardaşlıq və strateji müttəfiqlik prinsiplərinə əsaslandığını vurğulayıblar. Görüşdə qeyd olunub ki, iki ölkə arasında əməkdaşlıq bütün sahələr üzrə genişlənməkdə davam edir.

Həmçinin bildirilib ki, müvafiq dövlət qurumları arasında səmərəli tərəfdaşlıq formalaşıb və bu çərçivədə Azərbaycanın və Türkiyənin daxili işlər nazirlikləri arasında əməkdaşlıq uğurla davam etdirilir.