Tramp Rusiya-Ukrayna müharibəsinə yol verməzdi - Marjorie Taylor-Grin
11.09.2024 14:14
Nümayəndələr Palatasının üzvü Marjorie Taylor-Grin (Corciya ştatından olan respublikaçı) Amerika hökumətini Rusiya və Ukrayna liderləri Vladimir Putin və Vladimir Zelenskiyə zəng vurmağa və bununla da münaqişəyə son qoymağa çağırıb.
www.anews.az
"Zelenski və Putinə zəng edin, münaqişəni dayandırın", - o, X hesabında (keçmiş Twitter) yazıb.
Eyni zamanda, o qeyd edib ki, əgər Amerika lideri Respublikaçılar Partiyasından prezidentliyə namizəd Donald Tramp olsaydı, Ukraynada münaqişə heç vaxt başlamazdı.
Çərşənbə axşamı teledebatda Tramp hazırkı prezident Co Baydeni Ukraynadakı münaqişənin həlli üçün Rusiya ilə təmasda olmamasına görə tənqid edib.
Siyasətçi həmçinin bildirib ki, Ukraynadakı münaqişəyə mümkün qədər tez son qoyulmalıdır.
Onun sözlərinə görə, o, hələ inaqurasiyadan əvvəl prezident seçilsə, müharibəni dayandıra bilər.
Bundan əvvəl Rusiya prezidenti Vladimir Putin Şərq İqtisadi Forumunda bildirib ki, Rusiya Federasiyası Ukrayna üzrə danışıqlardan heç vaxt imtina etməyib.
Rusiya ilə Ukrayna arasında müharibə 2021-ci ilin fevralından davam edir.
Gülnar
www.anews.az
Oxşar xəbərlər
Oxşar xəbərlər
Son xəbərlər 
Daha çox
Foto 
Video 
