Britaniya Ukraynaya yeni yardım paketi ayırıb
11.09.2024 21:00
Böyük Britaniyanın xarici işlər naziri Devid Lemmi Ukraynaya 780 milyon ABŞ dollarından çox məbləğdə yeni yardım paketi ayrılacağını açıqlayıb.Bu barədə Ukrayna KİV Böyük Britaniya Xarici İşlər Nazirliyinin mətbuat xidmətinə istinadən məlumat yayıb.
"Böyük Britaniyanın Ukraynaya dəstəyi sarsılmazdır. 600 milyon funt sterlinqdən (780 milyon ABŞ dolları) artıq dəstək öhdəliyimiz Ukraynaya davam edən dəstəyimizin sonuncu nümunəsidir. Bu, Rusiyanın amansız hücumlarına dözməkdə davam edən ukraynalılara həyati dəstək verəcək”, - Lemmi deyib.
Britaniyanın Ukraynaya yardımının 310 milyon dolları humanitar ehtiyaclar üçün nəzərdə tutulubsa, 484 milyon dollar kredit zəmanəti şəklində olacaq. Kredit zəmanəti məktəblər və xəstəxanalara dəstək, dövlət qulluqçularının maaşları və pensiyaların maliyyələşdirilməsi də daxil olmaqla həyati vacib dövlət xidmətlərini dəstəkləmək üçün Dünya Bankı tərəfindən təqdim olunacaq.
www.anews.az
Oxşar xəbərlər
Oxşar xəbərlər
Foto 
Video 
