Lənkəranın iki kəndində içməli suyun verilməsində müvəqqəti fasilə olacaq

Bu gün Lənkəran rayonunun Digah və Şilavar kəndlərinin bir hissəsində içməli suyun verilməsində müvəqqəti fasilə yaranacaq. Məlumatı Azərbaycan Dövlət Su Ehtiyatları Agentliyinin tabeliyindəki Regional Su Meliorasiya Xidməti yayıb.

Bildirilib ki, fasilənin səbəbi Digah kəndindəki diametri 160 mm olan içməli su xəttində baş vermiş qəza ilə əlaqədar aparılacaq təmir işləridir.

Agentlik qeyd edib ki, təmir işləri başa çatdıqdan sonra suyun verilişi əvvəlki rejimlə bərpa olunacaq.