Rusiya nüvə sınaqlarına hazırlaşır
17.09.2024 12:49
Rusiya Federasiyasının Arxangelsk vilayətindəki Novaya Zemlya arxipelaqındakı mərkəzi poliqon zərurət yaranarsa, nüvə sınaqlarını bərpa etməyə hazırdır. Bu barədə poliqonun rəhbəri Andrey Sinitsin "Rossiyskaya qazeta”ya müsahibəsində bildirib.
"Sınaq sahəsi tam miqyaslı sınaq fəaliyyətlərini bərpa etməyə hazırdır. Tam hazırdır. Laboratoriya sınaq qurğusu hazırdır. Heyət hazırdır. Komanda gəlsə, istənilən vaxt sınaqlara başlaya bilərik”, - Sinitsin deyib.
Onun sözlərinə görə, poliqonda potensial dron hücumlarını dəf etmək üçün müntəzəm təlimlər keçirilir və obyektin özü elektron döyüş sistemləri ilə əhatə olunub.
" Təxribat və kəşfiyyat qruplarının adaya daxil olması qarışıq hər cür təhdidləri dəf etməyə daim hazırıq”, - o bildirib.
Keçən şənbə Dövlət Dumasının Vahid Rusiyadan olan deputatı Andrey Kolesnik bu cür silahların yaratdığı təhlükəni dünyaya xatırlatmaq üçün Rusiya poliqonunda nüvə bombası partlatmağı təklif edib.
Sentyabrın 17-də "Novaya Zemlya"da sınaq poliqonunun yaranmasının 70 illiyi tamam olub.
Orada, 1954-cü ildən 1990-cı ilə qədər yüzdən çox nüvə sınağı aparılıb ki, bu da SSRİ tərəfindən həyata keçirilən bütün nüvə partlayışlarının gücünün 94% -i təşkil edir. Söhbət atmosfer, yeraltı, sualtı, yerüstü partlayışlardan gedir.
SSRİ dağılandan sonra Rusiya nüvə sınaqları keçirməyib.
Poliqonda qeyri-nüvə partlayıcı təcrübələr, perspektivli silah və hərbi texnikanın sınaqları təşkil edilir.
N.Təbrizli
www.anews.az
Oxşar xəbərlər
Oxşar xəbərlər
Foto 
Video 
