80 manat veteranlara layiq məbləğ deyil - Polkovnik

Veteranlar üçün ayrılan 80 manat  döyüşçülərə layiq məbləğ deyil. Bunu
Azərbaycan "Qarabağ Əlilləri,Veteranları və şəhid ailələri" ictimai birliyinin sədr müavini ehtiyatda olan polkovnik Bəhram Şeydayev deyib.

"Bu məsələnin aiddiyatı orqanlar tərəfindən diqqətdə saxlanılmasını istəyirik. 80 manat döyüşən veteranlara layiq məbləğ deyil",- Şeydayev  "Minalar Əleyhinə Azərbaycan Kampaniyası” ictimai birliyi 24 oktyabr təşkil etdiyi "Azərbaycanda mina qurbanları: nailiyyətlər və qarşıda duran vəzifələr” mövzusunda ictimai dinləmə zamanı bildirib. 

Bundan əvvəl sosial müdafiə naziri Sahil Babayev açıqlamasında bildirib ki, Müharibə iştirakçılarına 80 manatın verilməsi komunal xərclərin verilməsi üçün ödənilir.

Bir il öncə Əmək və Əhalinin Sosial Müdafiəsi Nazirliyinin tabeliyində Dövlət Sosial Müdafiə Fondunun (DSMF) İdarə Heyətinin sədri Himalay Məmişov bildirib ki, müharibə Veteralarına verilən təqaüdün artırılması məsələsi müzakirə olunur.


www.anews.az