Britaniya Ukrayna üçün dronlara təxminən 10 milyon dollar xərcləmək qərarındadır

Böyük Britaniya Ukraynanın hücum və kəşfiyyat pilotsuz təyyarələri ilə təchiz edilməsi üçün təxminən 9,5 milyon dollar ayıracaq . Bu barədə Böyük Britaniya Müdafiə Nazirliyinin saytında yerləşdirilən məlumatda deyilir.

"Hökumət bu gün Böyük Britaniya və Latviyanın başçılıq etdiyi pilotsuz uçuş aparatları koalisiyası vasitəsilə yeni hücum və müşahidə pilotsuz təyyarələrini maliyyələşdirmək üçün 7,5 milyon funt sterlinq həcmində əlavə hərbi dəstək elan edib”,-  məlumatda bildirilib.

Qeyd edilir ki, pilotsuz təyyarələr koalisiyası həmçinin Almaniya , Kanada və Lüksemburqdan əlavə 20,2 milyon dollar alacaq.

Daha əvvəl Bild qəzeti mənbələrə istinadən xəbər vermişdi ki, Almaniya Ukraynanı Helsinqdən süni intellektə malik, elektron müharibə sistemlərinə həssas olmayan və "mini-Buğa” adlandırılan hücum pilotsuz uçan aparatları ilə təchiz etməyə başlayacaq.

 

Aytac