“Bayraktar TB3”dən dünya aviasiya tarixində bir ilk - Video
19.11.2024 21:18
Türkiyənin "Baykar” şirkəti tərəfindən yerli imkanlarla istehsal olunan "Bayraktar TB3” yeni nəsil silahlı pilotsuz uçuş aparatı Türkiyənin milli istehsalı olan "TCG Anadolu” hərbi amfibiya gəmisi üzərindən ilk uçuş testini uğurla başa vurub.Bu barədə "Anadolu” agentliyi xəbər verib.
Bununla da "Bayraktar TB3” dünya aviasiya tarixində PUA olaraq ilk dəfə qısa uçuş-enmə zolağına malik dəniz vasitəsində qalxış və enmə manevrini uğurla həyata keçirə bilib.
"Bayraktar TB3” indiyə qədər həyata keçirilən test uçuşlarında ümumilikdə 700 saatdan çox havada qalıb. Türkiyənin milli PUA-sı ötən il dekabrın 20-də həyata keçirilən uzun uçuş testində isə yerə enmədən 32 saat havada qalaraq 5 700 kilometr məsafə qət edib.
www.anews.az
Foto 
Video 
