"Qurtuluş"a qarşı cinayət işi açılıb - Rəsmi

Sumqayıtda yerləşən Qurtuluş Reabilitasiya Mərkəzi MMC-də baş verən qanunsuzluqlarla bağlı araşdırma aparılır. Bu barədə Baş Prokurorluqdan bildirilib. 

Mətbuat xidmətindən bildirilib ki, vətəndaş müraciətləri əsasında Sumqayıt şəhər prokurorluğunda ilkin araşdırma həyata keçirilib.

Toplanmış ilkin dəlillər əsasında Azərbaycan Respublikası Cinayət Məcəlləsinin 125-ci maddəsi (özünü öldürmə həddinə çatdırma) və 145.2.1 və 145.2.4-cü maddələri (adam oğurluğu ilə bağlı olmayan qanunsuz azadlıqdan məhrum etmə; qabaqcadan əlbir olan bir qrup şəxs tərəfindən iki və ya daha çox şəxsə qarşı törədildikdə) ilə cinayət işi başlanıb.

Hazırda ibtidai istintaq davam etdirilir.