Astana Aktaudakı təyyarə qəzasını araşdırmaq üçün komissiyanın gəlməsini gözləyir
07.01.2025 13:23
Aktauda sərnişin təyyarəsinin qəzasını araşdıran komissiya üzvləri yaxın günlərdə düşmüş təyyarədən çıxarılan qara qutuların şifrəsi açılmış materiallarla Astanaya gələcək. Bu barədə Qazaxıstan Nəqliyyat Nazirliyi rəsmi Telegram kanalında məlumat yayıb.
"Gələn kimi ekspertlər dərhal qeyd olunan uçuş registratorlarından deşifrə olunmuş məlumatları öyrənməyə başlayacaqlar”, - departamentdən bildirilib.
Bundan əvvəl qəzaya uğrayan təyyarənin qara qutuları Braziliyaya göndərilib. Yaranmış vəziyyəti şərh edən Qazaxıstan prezidenti Kasım-Jomart Tokayev bildirib ki, belə bir qərar istintaqın obyektivliyini təmin etmək üçün verilib.
Azərbaycana məxsus sərnişin təyyarəsi dekabrın 25-də Qazaxıstanda qəza enişi edib. Nəticədə 38 nəfər ölüb, 29 nəfər sağ qalıb.
Baş verən qəza ilə bağlı Rusiya prezidenti Putin Azərbaycan Prezidentindən üzr istəyib.
Aytac
www.anews.az
Foto 
Video 
