Qeyri-neft-qaz sektorundan daxilolmalar artıb

2025-ci ilin yanvarında İqtisadiyyat Nazirliyi yanında Dövlət Vergi Xidmətinin xəttilə dövlət büdcəsinə 2 milyard 259,9 milyon manatdan çox vergi daxil olub. Bu da əvvəlki ilə müqayisədə 11,6 faiz artıb. Bu barədə Vergi Xidməti məlumat yayıb.

Bildirilib ki, qeyri-neft-qaz sektorunda daxilolmalar 1 milyard 378,2 milyon manata yaxın təşkil edib.

Ödənilən vergilərin 61 faizi qeyri-neft-qaz sektorunun, 39 faizi isə neft-qaz sektorunun payına düşüb.

Dövlət Vergi Xidmətinin rəisi Orxan Nəzərli bildirib ki, son 5 ildə aktiv vergi ödəyicilərinin sayında 1,7 dəfə artım müşahidə olunub.

Aytac