Xəzəryanı ölkələrlə ticarətimiz 6 %-dən çox artıb-Əli Əsədov

2024-cü ildə Azərbaycanın Xəzəryanı ölkələrlə ticarət dövriyyəsinin ümumi dəyəri 2023-cü illə müqayisədə 6 %-dən çox artıb. Nazirlər Kabinetinin məlumatına görə, bunu Baş nazir Əli Əsədov bu gün İranın paytaxtı Tehranda keçirilmiş Üçüncü Xəzər İqtisadi Forumunda bildirib.

"Azərbaycanla Xəzəryanı dövlətlər arasında iqtisadi-ticari əməkdaşlıq dinamik inkişaf edir. Xəzər İqtisadi Forumu əməkdaşlığın aktual məsələlərinin müzakirəsi üçün mühüm platformadır", - deyə o qeyd edib.