Otən il sənaye istehsalı 5% azalıb

2024-cü ildə Bakıda sənayedə istehsal olunmuş malların həcmi 53,2 milyard manat təşkil edib, bu da illik müqayisədə 5,2% azdır. Bu barədə Bakı Statistika İdarəsindən bildirilib.

Məlumata görə, sənaye məhsulunun 75,9%-i mədənçıxarma, 20,9%-i emal, 2,3%-i elektrik enerjisi, qaz və buxar istehsalı, bölüşdürülməsi və təchizatı, 0,9%-i isə su təchizatı, tullantıların təmizlənməsi və emalı sektorlarında istehsal olunub.

Cari ilin yanvarında əvvəlki dövrlərdə yaranmış ehtiyatlar da nəzərə alınmaqla sənaye müəssisələrinin anbarlarında 342,3 milyon manatlıq hazır məhsul ehtiyatı olub.

2024-cü ilin ilk 10 ayında Azərbaycanda sənaye məhsulunun istehsalı 2,2% artaraq 53,3 milyard manat təşkil edib. Bu barədə Dövlət Statistika Komitəsi məlumat verib. 

Sənaye məhsulunun 64% mədənçıxarma,  30,3% emal, 4,7% elektrik enerjisi, qaz və buxar istehsalı, bölüşdürülməsi və təchizatı sektorunda, 1%izi isə su təchizatı, tullantıların təmizlənməsi və emalı sektorunun payına düşüb. 

Aytac