Bu yolda nəqliyyatın hərəkəti məhdudlaşdırılıb

Qeyri-sabit hava şəraiti ilə əlaqədar, yolun buz bağlaması səbəbindən Bakı Beynəlxalq Avtovağzalının qarşısından Bakı Dairəvi Avtomobil Yolu-Lökbatan dairəsi istiqamətində nəqliyyatın hərəkətinə məhdudiyyət tətbiq edilib.Bununla bağlı DİN-in Nəqliyyatı İntellektual İdarəetmə Mərkəzi məlumat yayıb.

"Sürücülərdən hava şəraitini nəzərə alaraq sürət həddini uyğun tənzimləmələri, ötmə və qəfil manevrlərdən çəkinmələri xahiş olunur. Təcrübəsi az olan sürücülərə buzlu yollarda avtomobil idarə etməmələri tövsiyə edilir",-məlumatda deyilir.