Fransada naməlum şəxs bıçaqla yoldan keçənlərə hücum edib, ölən və yaralananlar var

Fransanın Mulyuz şəhərində bıçaqla silahlanan şəxs yoldan keçənlərə hücum edib.Bu barɛdə “BFMTV” kanalı məlumat veeib.

Hadisə nəticəsində bir nəfər ölüb, bir neçə nəfər yaralanıb.

Hücum günorta saatlarında yarmarka yaxınlığında baş verib.

İlkin məlumata görə, zərərçəkənlər bələdiyyə işçiləridir.

Telekanalın məlumatına görə, şübhəli şəxs saxlanılıb.

Prokurorluq onun "terrorizmin qarşısının alınması" səyləri çərçivəsində hüquq-mühafizə orqanlarının qeydiyyatında olduğunu bildirib.

Fransa Prezidenti Emmanuel Makron hadisəni terror aktı adlandırıb.