İrana qarşı əməliyyatlarda “həlledici uğur” qazanılıb və təhdid azalıb -Tramp

32 gündür davam edən İrana qarşı hərbi əməliyyat bu ölkənin əhəmiyyətli dərəcədə zəifləməsinə və onun yaratdığı təhdidin azalmasına səbəb olub. Bunu ABŞ Prezidenti Donald Tramp aprelin 1-i xalqa müraciətində bildirib.

Mövcud münaqişəni əvvəlki müharibələrlə müqayisə edən Tramp qeyd edib ki, əməliyyat daha sürətlə gedir və onun sözlərinə görə, ABŞ-ın hərbi fəaliyyətinin effektivliyini göstərir.

“Bu ölkə faktiki olaraq məhv edilib və artıq təhdid təşkil etmir”, — o bildirib. 

Tramp həmçinin İranı Yaxın Şərqdə “aqressiv oyunçu” adlandıraraq bildirib ki, onun fikrincə, bu rol artıq keçmişdə qalıb.

ABŞ prezidenti vurğulayıb ki, Vaşinqtonun addımları uzunmüddətli təhlükəsizliyin təmin edilməsinə, o cümlədən İranın nüvə proqramı ilə bağlı risklərin azaldılmasına yönəlib.

O əlavə edib ki, əməliyyat onun qiymətləndirməsinə görə ABŞ və müttəfiqlərinin təhlükəsizliyini gücləndirir və beynəlxalq ictimaiyyət “baş verənləri izləyir”.

N.Təbrizli