"Crocus City Hall”a dəyən zərər açıqlanıb

Rusiyada  “Crocus City Hall”da törədilən terror aktı nəticəsində şirkətə təxminən 150-200 milyon dollar ziyan dəyib.  Bunu “RİA Novosti”yə müsahibəsində “Agalarov Development” şirkətinin prezidenti Araz Ağalarovun oğlu Emin Ağalarov deyib.

“Bu, terror biznes nöqteyi-nəzərindən  “Crocus Group”a dağıdıcı təsir göstərdi. Terror hücumundan sonra ərazidəki bütün obyektlərin işi iflic oldu, eləcə də gələnlərin sayı azaldı”, - o bildirib.

Ağalarovun sözlərinə görə, mərkəz yaxşı ilində  1 milyon dollar gəlir gətirib.

"Bərpa üçün böyük maliyyə resursları, on milyonlarla dollar tələb olunacaq. Ona görə də bərpa olunması ilə bağlı hələ qərar verilməyib”.- o əlavə edib.

Crocus-da terror aktı 2024-cü il martın 22-də axşam baş verib . Pulemyotlarla silahlanmış bir neçə nəfər ziyarətçilərə atəş açıb. Həmin axşam "Piknik" qrupunun çıxış etməli olduğu konsert zalının tamamilə yanması da daxil olmaqla, binada güclü yanğın baş verib.

Bundan sonra partlayışlar baş verib və yanğın başlayıb. Ertəsi gün onlar tutularaq mayın 22-dək istintaq təcridxanasına göndərilib. Terror aktı Beslan faciəsindən sonra Rusiyada ən böyük terror aktıdır. Cinayətkarlar 145 nəfəri öldürüb, 550-dən çox insanı yaralayıb.

Aytac Zeynalova