Zelenski bizə hörmətsizlik etdi - Tramp

ABŞ Prezidenti Donald Tramp Oval kabinetdə ukraynalı həmkarı Volodimir Zelenski ilə keçirdiyi gərgin görüşdən sonra bəyanat yayıb.Bu barədə Tramp özünün “Truth” şəbəkəsində paylaşım edib.

“Bu gün Ağ Evdə çox mühüm görüş keçirdik. Çox şey öyrəndik bu isə belə atəş və təzyiq altında söhbət olmadan heç vaxt anlaşıla bilməzdi.

Emosiyalar vasitəsilə ortaya çıxanlar heyrətamizdir və mən bu qənaətə gəldim ki, Zelenski ABŞ-nin iştirakı ilə sülhə hazır deyil. O hiss edir ki, bizim iştirakımız danışıqlarda ona böyük üstünlük verir. Mən isə üstünlük yox, sülh istəyirəm. O, ABŞ-nin dəyərli Oval Ofisində bizə hörmətsizlik etdi. Sülh üçün hazır olanda geri qayıda bilər”.

KİV-də yer alan xəbərlərə görə, Ukrayna lideri həmin görüşdən sonra Vaşinqton səfərini yarımçıq dayandırmaq qərarı alıb.