Ermənistanda 20 milyon dollarlıq neft emalı zavodu tikilir

Ermənistanda neft məhsullarının emalı zavodu tikiləcək. Bu barədə ölkə mətbuatı yayıb. 

İnvestisiya proqramında neft məhsullarının və bitumun saxlanması obyektlərinin, bitum istehsalı müəssisəsinin, karbohidrogen emalı stansiyasının mərhələli şəkildə tikintisi, müxtəlif növ neft məhsullarının yerli istehsalının təşkili nəzərdə tutulur.

Bitum istehsalının tam həcmdə həyata keçirilməsi bu məhsula təkcə Ermənistanın deyil, həm də regional tələbatın təmin edilməsinə imkan verəcək.

Mətbuatda qeyd olunur ki, Ermənistanın iqtisadiyyat naziri Gevorq Papoyan “Sil Capital” şirkətinin təsisçisi və idarə heyətinin sədri Eduard Sukiasyan ilə birlikdə zavodun ərazisində hazırlıq işlərinin gedişi ilə tanış olub.

Aytac