Yaxın zamanda bəzi müavinət və təqaüdlər artırıla bilər - Deputat

Minimum əmək haqqı ilə bağlılığı olmayan bir sıra sosial müavinət və təqaüdlərdəki artımlarla bağlı da yaxın zamanda qərar veriləcək. Bu barədə Milli Məclisin deputatı Vüqar Bayramov paylaşım edib.

O xatırladıb ki, dövlət başçısı İlham Əliyev sosial müavinət və təqaüdlərin artırılması ilə bağlı Nazirlər Kabinetinə tapşırıq verib.

Bayramov qeyd edib ki, hökumət artıq bu istiqamətdə təkliflərin hazırlanmasını həyata keçirir:

"Təkliflərin hazırlanması, maliyyə əsaslandırılmasının aparılması başa çatdıqdan sonra bu istiqamətdə artımlar reallaşacaq. Nazirlər Kabineti təklifləri bu ayın ikinci yarısı təqdim edəcək", - paylaşımda qeyd olunub.