14 min Qəzza sakini anklavdan təxliyə edilməlidir - ÜST

12.000-14.000 Qəzza sakini tibbi səbəblərə görə anklavdan təxliyə edilməlidir. Bu barədə Ümumdünya Səhiyyə Təşkilatının (ÜST) baş direktoru Tedros Adhanom Qebreyesus 29 fələstinli uşağı müalicə üçün qəbul edən İordaniya hökumətinə təşəkküründə bildirib.

Bu uşaqlar xüsusi müalicə üçün Qəzzadan İordaniyaya aparılıb. "Onların əksəriyyətinin travma, onkoloji və oftalmoloji yardıma ehtiyacı var" deyən Qebreyesus bunun "atəşkəsdən sonra Ümumdünya Səhiyyə Təşkilatının dəstəyi ilə həyata keçirilən İordaniyaya ilk tibbi evakuasiya" olduğunu xatırladıb.

"Təxminən 12-14 min insanın hələ də tibbi evakuasiyaya ehtiyacı var", - baş direktor əlavə edib.

Qətərin "Əl-Cəzirə" telekanalının daha əvvəl verdiyi məlumata görə , əksəriyyəti İsrailin hava hücumları nəticəsində yaralanan 29 uşaq müalicə üçün İordaniyaya aparılıb. Qeyd olunub ki, krallıq ümumilikdə 2 min fələstinli uşağı qəbul etməyə hazırdır.

2023-cü il oktyabrın 7-də Fələstin radikal HƏMAS hərəkatının silahlı tərəfdarlarının Qəzza zolağından İsrail ərazisinə daxil olması, sərhəd yaşayış məntəqələrinin sakinlərinin qətli və əsirlərin girov götürülməsi ilə müşayiət olunandan sonra Yaxın Şərqdə vəziyyət kəskin şəkildə pisləşib. Buna cavab olaraq İsrail Fələstin anklavında quru hərbi əməliyyata başlayıb. Döyüşlər Misir, Qətər və ABŞ-ın vasitəçiliyi ilə İsrail və HƏMAS arasında əldə olunan razılaşmada nəzərdə tutulduğu kimi, Qəzzada atəşkəsin qüvvəyə mindiyi bu il yanvarın 19-dək davam edib. 

Aytac