G7 xarici işlər nazirləri Ukraynada atəşkəs rejimini müzakirə edəcəklər

Ukraynada atəşkəs  və ABŞ-ın bu ölkəyə yardımının bərpası Kanadada keçiriləcək G7 xarici işlər nazirlərinin görüşünün əsas mövzuları olacaq. Bu barədə İtaliyanın xarici işlər naziri, baş nazirin müavini Antonio Tajani “Nova” agentliyinə müsahibəsində bildirib.

Görüşdə ABŞ dövlət katibi Marko Rubio da iştirak edəcək.

“Biz Rusiyanın Ukraynaya təcavüzünün tez bir zamanda dayandırılmasını istəyirik: biz avropalılar amerikalılarla birləşərək bu məqsədə nail ola bilərik”, - Tajani əlavə edib.

Martın 11-də Səudiyyə Ərəbistanının Ciddə şəhərində Ukrayna  və Amerika nümayəndə heyətləri arasında danışıqlar baş tutub. Görüşdən sonra Ukrayna ABŞ-ın 30 günlük atəşkəs rejiminin tətbiqi təklifini qəbul etməyə hazır olduğunu bildirib.

Gülnar