BTC ilə neft ixracı artıb

Azərbaycan neftinin Gürcüstan və Türkiyə vasitəsilə Bakı-Tbilisi-Ceyhan (BTC) boru kəməri ilə ixracı bu ilin ilk iki ayında 6,8% artaraq 4,7 milyon tona çatıb. Bu barədə Dövlət Statistika Komitəsi bazar ertəsi bildirib.

BTC boru kəməri vasutəsilə BP tərəfindən istismar olunan Azəri, Çıraq və Günəşli neft yataqlarından hasil edilən neft ixrac olunur. 

Azərbaycanın ilk iki ayda ümumi neft ixracı 6,3 milyon ton təşkil edib, bunun təxminən 74,9%-i BTC boru kəməri vasitəsilə həyata keçirilib.

BTC ilə tranzit neftin həcmi yanvar-fevrada 842,900 tona yüksəlib, keçən il eyni dövründə isə bu rəqəm 711,500 ton olub.

N. Təbrizli