Əkrəm İmamoğluna qarşı korrupsiya rüşvətxorluq ittihamı irəli sürülüb - Yenilənib

İstanbul Baş Prokurorluğu şəhərin həbsdə olan bələdiyyə sədri Əkrəm İmamoğlu və daha 100-dən çox şəxsə qarşı korrupsiya, rüşvətxorluq və terrorçularla əməkdaşlıq ittihamı irəli sürüb. Bu barədə NTV telekanalı məlumat yayıb.

İddia olunur ki, İstanbul meriyasının  Türkiyədə fəaliyyəti qadağan edilmiş Kürdüstan Fəhlə Partiyasının üzvləri ilə hansısa anlaşması olub. Prokurorluğun məlumatına görə, İmamoğlu bələdiyyə seçkilərindən əvvəl bu partiya ilə əməkdaşlığa başlayıb, nəticədə onun üzvləri şəhər idarəetmə sistemində nüfuz qazanıblar.

09:43

Türkiyə polisi korrupsiyaya qarşı aparılan araşdırmalar çərçivəsində İstanbul meri Ekrem İmamoğlunu saxlayıb. Bu barədə NTV telekanalı məlumat yayıb.

Hüquq-mühafizə orqanları məmurun İstanbulun şimalındakı Sarıyer rayonundakı evində axtarışa başlayıb.

İmamoğlu əvvəlcə protokola uyğun olaraq tibbi müayinəyə aparılıb. CNN Türk -ün məlumatına görə , bələdiyyə sədri daha sonra məhkəməyə aparılıb.

İmamoğlu yerli hüquq-mühafizə orqanlarının əməkdaşlarının keçirdiyi genişmiqyaslı əməliyyat çərçivəsində saxlanılıb. Merin həbsi üçün order verilib.

Əkrəm İmamoğlu müxalif fikirləri ilə tanınır və 2027-ci ildə baş tuta biləcək mümkün növbədənkənar prezident seçkilərində Türkiyənin hazırkı prezidenti Rəcəb Tayyib Ərdoğanın əsas rəqibi hesab olunur.

İstanbul Universiteti bir müddət əvvəl Baş Prokurorluğun müraciətindən sonra İmamoğlunun diplomunu ləğv edib. Bələdiyyə sədri əvvəlcə Şimali Kiprdə universitetdə təhsil alıb, sonra təhsil müəssisəsi o zaman rəsmi olaraq tanınmasa da, İstanbula köçürülüb. Türkiyədə prezident seçkilərində yalnız ali təhsilli vətəndaşlar iştirak edə bilər.

Aytac