İstanbul Universitetinin tələbələri İmamoğluna dəstək üçün aksiya keçirir - Video

İnstanbul Universitetinin tələbələri İstanbul meri Ekrem İmamoğlunun həbs olunmasına etiraz olaraq universitetin binası qarşısında aksiyalar keçirir. Bu barədə görüntülər Türkiyənin sosial hesablarında paylaşılır. 

İstanbul Universiteti bir müddət əvvəl Baş Prokurorluğun müraciətindən sonra İmamoğlunun diplomunu ləğv edib. 

Bu gün səhər saatlarında Türkiyə polisi korrupsiyaya qarşı aparılan araşdırmalar çərçivəsində İstanbul meri Ekrem İmamoğlunu saxlayıb.

İmamoğluna qarşı  korrupsiya, rüşvətxorluq və terrorçularla əməkdaşlıq ittihamı irəli sürüb.

Artıq Türkiyənin bir çox bölgələrində Əkrəm İmamoğluya dəstək məqsədilə aksiyalar başlayıb. 

Gülnar