Hüquq sistemimizdən utanırıq - Mansur Yavaş

Ankara bələdiyyə sədri Türkiyədə hüquq sistemindən utandığını açıqlayıb. Bunu sədr Mənsur Yavaş İstanbul bələdiyyəsinin sədri, partiya silahdaşı Əkrəm İmamoğlunun həbs olunması ilə bağlı jurnalistlərə açıqlamasında deyib.

“Məhkəmə zamanı gördük ki, istintaqın məxfiliyi anlayışı var, amma oradakı ifadələr bütün Türkiyəyə, sözün əsl mənasında, beş dəqiqə sonra yayıldı. Üstəlik, vəkillərin əldə edə bilmədiyi iddia və ittihamları televiziyadan izlədik. Bu, vəziyyətin nə qədər siyasi olduğunu açıq şəkildə göstərir. 5 milyon insanın səsi ilə seçilən bələdiyyə sədrinə bu şəkildə mane olmaq ölkəmiz üçün ayıbdır. Bunun nəticəsi nə oldu? 26 milyard dollar havaya uçdu. Heç kimin bunu etməyə haqqı yoxdur”, - Yavaş bildirib