Putinin müşaviri Vaşinqtona gedəcək

Rusiya Milli Rifah Fondunun rəhbəri Kirill Dmitriev bu həftənin sonuna kimi Vaşinqtona səfər edərək ABŞ prezidenti Donald Trampın xüsusi nümayəndəsi Stiv Vitkoffla görüşəcək. Bu barədə CNN öz mənbələrinə istinadan yazıb.
Görüşdə iki ölkə arasında əlaqələrin möhkəmləndirilməsinə dair danışıqlar aparılacaq.
Rusiya rəsmisinin Vaşinqtona səfəri 2022-ci ildən bəri ilk səfər olacaq və iki ölkə arasında münasibətlərin istiləşməsinə işarədir.
Dmitriev Putinin yaxın müşaviridir. Fevralda o, digər Rusiya rəsmiləri ilə birlikdə Ukraynada müharibəyə son qoymaq üçün nizamlanma müzakirələrində iştirak etmək üçün Səudiyyə Ərəbistanının Ər-Riyad şəhərinə səfər edib.
KİV qeyd edir ki, ABŞ hakimiyyəti Dmitriyevə qarşı sanksiyaları müvəqqəti olaraq ləğv edib ki, Dövlət Departamenti ona ABŞ-a daxil olmaq üçün viza versin.
Aytac
Son xəbərlər
Daha çox 