Azərbaycan manatının dövretmə sürəti azalıb

Bu ilin martın 1-nə Azərbaycanın milli valyutası - manatın dövretmə sürəti 3,23 bənd təşkil edib.Bu barədə Azərbaycan Mərkəzi Bankından məlumat verilib.

Bildirilib ki, bu, fevralın 1-i ilə müqayisədə 0,03 bənd az, ilin əvvəli ilə müqayisədə 0,22 bənd az, ötən il martın 1-nə nisbətən isə 0,02 bənd azdır.

AMB-nin statistikasına əsasən, manatın dövretmə sürətinin son 17 il ərzində ən aşağı həddi 2015-ci ilin yanvar ayının yekununda, yəni son illərin ilk devalvasiyası ərəfəsində qeydə alınıb və 2,68 bənd təşkil edib. Bu göstəricinin ən yüksək həddi isə 2005-ci ildə (15,72 bənd) qeydə alınıb.