Türkiyə limon ixracını dayandırıb

Türkiyə soyuq hava ilə əlaqədar və daxili tələbatı ödəmək üçün aprelin 8-dən limon ixracını dayandırıb. RİA Novosti bu barədə ölkənin Ticarət Nazirliyinə istinadən məlumat yayıb.

“Bir sıra rayonlarda müşahidə olunan son şaxtalar və soyuq hava şəraiti ilə əlaqədar olaraq, daxili bazarda tələb-təklif balansını qorumaq məqsədilə Ticarət Nazirliyi aprelin 8-dən limon ixracının müvəqqəti dayandırılması barədə qərar qəbul edib”, - məlumatda deyilir.

Məhdudiyyətlər  ölkənin cənubundakı Mersin, Adana və Hatay əyalətlərində tətbiq olunacaq. Lazım gələrsə, qərara yenidən baxıla bilər.

Ölkənin Ticarət Nazirliyi əlavə edib ki, Türkiyə ən çox xarici istehlakçılara limon və naringi tədarük edir - sitrus meyvələrinin ixracının 70%-ni onlar təşkil edir.

Gülnar