ASCO ilə daşınan maye yüklərin həcmi açıqlanıb

2025-ci ilin birinci rübündə “Azərbaycan Xəzər Dəniz Gəmiçiliyi” QSC-yə (ASCO) məxsus tankerlərlə ümumilikdə 1 milyon 034 min 039 ton maye yük (xam neft və neft məhsulu) daşınıb. Bu da əvvəlki illə müqayisədə 7,6 % çoxdur. Bu barədə ASCO-dan bildirilib.

Bu dövrdə bərə gəmiləri ilə daşınan vaqonların sayı 7 905 ədəd, avtonəqliyyat vasitələrinin sayı isə 9 050 ədəd olub. 

Hesabat dövründə universal quru yük gəmiləri ilə 441 min 322 ton yük daşınıb. Bu da ötən ilin ilk rübünün göstəricilsi ilə müqayisədə 286 min 334 ton çoxdur.

ASCO həmçinin 2024-cü ilin yanvar-martında 6172 sərnişin daşıyıb.

ASCO universal quru yük gəmiləri birinci rübdə 154,988 min ton yük daşıyıb.

"Azərbaycan Xəzər Dəniz Gəmiçiliyi” (ASCO) QSC 2023-cü ildə tankerlərlə 4,9 milyon ton neft və neft məhsulları daşıyıb.
 
Aytac Zeynalova