Türkiyə Rusiyaya qarşı sanksiyaları ləğv etməyə çağırır

Türkiyə hesab edir ki, Rusiyanın bank sektoruna qarşı sanksiyaların ləğvi zərurətə çevrilir. Bu barədə RİA Novosti Ankaradakı diplomatik mənbəyə istinadən məlumat yayıb.

"Düşünürəm ki, bu  zərurətə çevrilir. Bu, investisiyaların artırılmasına və Rusiya ilə Türkiyə arasında və bütövlükdə regionda iqtisadi əlaqələrin möhkəmlənməsinə kömək edə bilər. "Təəssüf ki, problem hələ də qalır", - mənbə bildirib.

Yanvarda türkiyəli ekspert Engin Özer Rusiya ilə Türkiyə arasında ticarət əlaqələrində kriptovalyutaya keçidin ölkələrin Qərb sanksiyalarından çıxmasına kömək edə biləcəyini bildirmişdi. Analitik xatırladıb ki, Türkiyə bankları Qərbin məhdudiyyətləri təhlükəsi səbəbindən Rusiya şirkətlərindən pul köçürmələrini qəbul etmir.

Martda Rusiyadakı Amerika Ticarət Palatası aviasiya və bank sektoruna sanksiyaların ləğvini və lüks malların ixracını bərpa etməyi təklif edib.

Gülnar